YAZIÇILAR BİRLİYİNDƏ “DƏYİRMİ MASA” KEÇİRİLMİŞDİR
Birlikdən AZƏRTAC-ın müxbirinə bildirmişlər ki, yazıçıların XI qurultayı qarşısında keçirilən tədbirdə birliyin sədri, Milli Məclisin deputatı Anar ölkəmizdə ədəbiyyatın, mədəniyyətin və elmin ən gözəl nümunələrini müasir dövrdə təbliğ etmək və gələcək nəsillərə çatdırmaq işində Azərbaycan dilində latın qrafikası ilə kütləvi nəşrlərin həyata keçirilməsi haqqında dövlətimizin başçısı İlham Əliyevin Sərəncamını yüksək qiymətləndirdi. O, ədəbiyyatımızın təbliğində müasir texniki vasitələrin gücündən istifadə etməyin vacibliyini də vurğuladı.
Yeni Yazarlar və Sənətçilər Qurumunun sədri Aydın Xan və başqaları maraqlı təkliflərlə çıxış etdilər. Milli söz sənətimizin təbliğində qarşılıqlı ədəbi əlaqələrin, oxucu-müəllif münasibətlərini açıqlayan tədbirlərin, İnternet ədəbiyyatının formalaşdırılmasının, yaşlı və gənc nəsil nümayəndələrinin birgə iştirakı ilə yığıncaqlar keçirməyin əhəmiyyəti xüsusi vurğulandı.
Bölmənin digər xəbərləri
