YENİ KİTABIN STRATEJİ İDEOLOGİYASI
Təqdimat mərasimində bildirilmişdir ki, geniş oxucu kütləsi üçün nəzərdə tutulan kitabda ölkəmiz haqqında obyektiv informasiya verilmişdir. Çox təəssüf ki, hazırda yaxın xarici ölkələrdə, xüsusilə Rusiyada gənc nəslin ölkəmizdə baş verən hadisələr barədə anlayışı təhrif olunmuşdur. Kitab Rusiya gəncinə Azərbaycana obyektiv mövqedən baxmaq imkanı verəcəkdir.
Trofimçukun fikrincə, Rusiyada Cənubi Qafqaz ölkələrində baş vermiş və hazırda baş verən hadisələr haqqında məlumatı olmayan bütöv bir nəsil yetişmişdir. Müəllif hesab edir ki, “xalqlar dostluğu” anlayışı və Rusiyada dözümlülüyə bütün çağırışlar belə bir çox sadə səbəbə görə səmərə vermir ki, həmin üsullar SSRİ dövründə onilliklər ərzində işlənərək, əməlli-başlı “aşınmışdır”. Hazırda nə həmin ölkə, nə də həmin insanlar mövcud deyildir. Buna baxmayaraq, bizi millətlərarası ünsiyyətə köhnə sistem üzrə öyrətməkdə davam edirlər.
Müəllif bildirmişdir ki, yeni nəşr Rusiya Prezidenti Vladimir Putinə, Dövlət Dumasının sədri Boris Qrızlova və Federasiya Şurasının sədri Sergey Mironova təqdim olunmuşdur.
