YENİ YARIMSTANSİYA İSTİFADƏYƏ HAZIRDIR
Ağcabədidə tikilmiş 330 kilovoltluq yeni yarımstansiya bu günlərdə şəbəkəyə qoşulmuşdur. “Azərenerji” SC-nin sifarişi ilə yarımstansiyada Almaniyanın “Siemens” şirkətinin Zaqrebdəki (Xorvatiya) zavodunda istehsal olunmuş iri həcmli avtotransformator quraşdırılmış, onun hissələri müxtəlif iş rejimlərində sınaqdan keçirilmişdir.
Yarımstansiyada aparılmış buraxılış-sınaq işləri zamanı Ağdam, Bərdə, Yevlax və digər istiqamətlərdə yüksək gərginlikli elektrik xətləri də fəaliyyətə başlamışdır. Yeni yarımstansiya istifadəyə tam hazırdır.
Yarımstansiya “Azərenerji” SC-nin imkanlarını genişləndirəcək, mərkəzi və cənub-qərb rayonlarının elektrik enerjisi ilə fasiləsiz təmin edilməsinə imkan yaradacaqdır.
Bölmənin digər xəbərləri
