YOD-BROM ZAVODU YENİDƏN İŞƏ DÜŞƏCƏK
Neftçaladakı yod-brom zavodunda texnoloji sistemin təmiri başa çatdırılmışdır. Müəssisənin tezliklə yenidən işə salınması nəzərdə tutulur. Yaponiyanın CAOQ şirkəti zavodun bazasında yaradılan Açıq Səhmdar Cəmiyyətini idarəetməyə götürməyə hazırlaşır. Səhmdar Cəmiyyətindən AZƏRTAC-ın müxbirinə bildirmişlər ki, şirkətin təmsilçiləri yerli imkanları öyrənir, zəruri parametrləri müəyyənləşdirirlər. Zavodun illik gücü 200 ton yod və 2 min ton brom istehsalına hesablanmışdır. Vaxtilə qazılmış, lakin istismar olunmayan xeyli quyu kifayət qədər xammal verəcəkdir. Müəssisədə istehsalın bərpası azı 300 nəfər yerli sakinin daimi iş yeri ilə təmin olunmasına imkan yaradacaqdır.
Bölmənin digər xəbərləri
