“Yoga Shahi” studiyasında “Məhəbbət göz yaşları” adlı meditativ-ədəbi konsert təşkil edilib
Bakı, 9 sentyabr, Tatyana İvanayeva, AZƏRTAC
Sentyabrın 8-də Bakıda “Yoga Shahi” studiyasında “Sansara” silsiləsindən “Məhəbbət göz yaşları” meditativ ədəbi-konsert olub. Format baxımından qeyri-adi olan bu musiqili tədbirin müəllifi və daimi iştirakçılarından biri şairə və nasir Anarə Axundovadır. O, bir çox məsəl və nağıl toplusu, şeir və hekayələr, audiokitabların müəllifidir. AZƏRTAC xəbər verir ki, bakılı xanım on beş ildən artıqdır ki, xaricdə yaşayıb və vətənə qayıtdıqdan sonra artıq populyarlıq qazanmış yaradıcılıq layihələrini fəal şəkildə inkişaf etdirir.
Təkcə onu qeyd etmək kifayətdir ki, Anarənın əsərləri əsasında səhnələşdirilən və müəllifin özünün də aktrisa kimi iştirak etdiyi kukla tamaşalarını təkcə uşaqlar deyil, həm də sevinclə tamaşaçıya çevrilən, qısa müddətdə sehrli aləmə qərq olaraq gündəlik işlərə fərqli prizmadan baxmağa gələn valideynlər də səbirsizliklə gözləyir. Onlar bir daha xatırlayırlar ki, ətrafdakı məkan uşaq nağıllarında olduğundan daha mürəkkəb və dərindir.
“Sansara” serialı elə ilk konsertlərdən ictimaiyyətin - yalnız mənəvi təcrübələri “dünya ilə ünsiyyətin” bir hissəsi sayanların deyil, həm də belə bir qavrayışdan uzaq olanların marağına səbəb olub. Bu seriya həm orijinal təqdimatda, həm də elan edilmiş formatda akademik deyil. Konsert boyu tamaşaçılar özləri üçün ən rahat davranışı seçməyə dəvət olunurlar. Burada nəinki musiqi sədaları altında hərəkət edə və ya zalda gəzə bilərsiniz, həm də proqramı yerə uzanıb gözüyumulu dinləmək olar. Bu, qadağan deyil, əksinə təşviq edilir. Azadlıq hissi və qeyri-məhdud hərəkət konsertin semantik məzmununun bir hissəsinə çevrilir. Meditativ musiqi öz daxili aləminizə nüfuz etməyə imkan verəndə, xəyalınızda ədəbi eskizlər canlana bilər. Sanki hər bir tamaşaçı Anarə Axundovanın oxuduğu ədəbi əsərlər, Azərbaycanda ilk səslə müalicə və transformasiya kurslarının lideri, “Studio Om Shri” vokal yoqa mərkəzinin yaradıcısı İlhamə Babayevanın səyləri ilə ərsəyə gələn meditativ musiqi ilə uzlaşan öz həyat hekayəsini yaşayır.
İxtisasa musiqiçi olan İlhamə Babayeva Bakı Musiqi Akademiyasının skripka sinfini bitirib. Vokal sənəti onu kiçik yaşlarından müşayiət edir. Praqa Konservatoriyasında caz vokal kursunu bitirən İlhamə, müxtəlif qruplarda oxuyub. O, 2015-ci ildən bu günə kimi Azərbaycanda ilk etno-mənəvi musiqi qrupunun - “Les Gardiens Du Silence”in (fransızcadan tərcümədə “Səssizliyi qoruyanlar”) baş vokalisti olub. Maraqlıdır ki, İlhamə uşaqlıqdan valideynlərinin rəhbərliyi altında ezoterik praktikası da keçib. O, yeddi ildən çoxdur ki, intensiv şəkildə kundalini yoqa ilə məşğul olur. İlhamə, həmçinin İncə Material Strukturları Akademiyasında hipnozluq, repressorluq və “Oracle səsi” kurslarını bitirib, səs terapiyası və vokal yoqa üzrə tanınmış mütəxəssisə çevrilib.
“Məhəbbət göz yaşları” konsertində müəllifin qiraətində Anarə Axundovanın illər ərzində qələmə aldığı və şairənin özünün də qeyd etdiyi kimi, müxtəlif ruh hallarında yazdığı poetik əsərləri səslənib. Konsert iştirakçılarına səs terapiyası vasitəsilə Kainatın orijinal vibrasiyalarını xatırlamaq imkanı yaradılıb. Dinləyiciləri meditativ vəziyyətə salan Anarə və İlhamə şüura və bədənə təsir dirijorlarına çevriliblər. Konsertin sonunda tamaşaçılar rahatlıq, xoş əhvali-ruhiyyə və ilhamverici hisslər keçirdiklərini qeyd ediblər. Bu isə o deməkdir ki, “Sansara” yoluna davam edir...
Bölmənin digər xəbərləri
