Yonhap: Şimali Koreya iki yaxınmənzilli ballistik raket buraxıb

Pekin, 15 iyun, AZƏRTAC

Koreya Xalq Demokratik Respublikası (Şimali Koreya) Yapon dənizi istiqamətində iki yaxınmənzilli ballistik raket buraxıb.

AZƏRTAC xəbər verir ki, bu barədə Yonhap agentliyi Cənubi Koreya silahlı qüvvələrinin birləşmiş qərargahına istinadla məlumat yayıb.

Qərargahdan bildirilib ki, raketlər yerli vaxtla saat 19:25-də və 19:37-də Pxenyanın Sunan adlı ərazisindən buraxılıb.

Yaponiyanın sahil mühafizə xidməti raketlərin dənizə düşdüyünü açıqlayıb. Bu, Şimali Koreyanın il ərzində 11-ci ballistik raket buraxılışıdır.

Seulda belə hesab edirlər ki, Şimali Koreyanın raket buraxılışları Cənubi Koreya ilə ABŞ-ın irimiqyaslı birgə təlimlərinə cavabdır.

Şahin Cəfərov

AZƏRTAC-ın xüsusi müxbiri

Pekin

MÜƏLLİFLƏ ƏLAQƏ