YÜKSƏK MƏRTƏBƏLİ YAŞAYIŞ BİNASINDA YANĞIN BAŞ VERMİŞDİR
Baş Dövlət Yanğın Təhlükəsizliyi İdarəsinin ictimaiyyətlə əlaqələr mərkəzindən AZƏRTAC-a bildirmişlər ki, mayın 25-də Nəsimi rayonunun, R.Behbudov küçəsindəki 731-ci məhəllədə qeydə alınmış güclü yanğın nəticəsində “QLOBAL SİSTEM LTD” şirkətinin inşa etdirdiyi çoxmərtəbəli yaşayış binasının 16-cı mərtəbəsində taxta qəliblər və dirəklər min kvadratmetr sahədə külə dönmüşdür. Hadisə yerinə çağırılan 12 yanğınsöndürən maşının köməyi ilə alovun qarşısını iki saatdan sonra almaq mümkün olmuşdur. 15-ci mərtəbədə olan taxta qəliblər və digər yanar materiallar, habelə yaxınlıqdakı yaşayış binaları mühafizə edilmişdir. Ciddi xəsarət alan olmamışdır.
Yanğının başvermə səbəbi və dəyən ziyan müəyyənləşdirilir.
