YUNAN-ROMA GÜLƏŞİ ÜZRƏ ÖLKƏ ÇEMPİONLARI MƏLUM OLMUŞDUR

07.01.2008 [18:51]
Çap et
A⁺ A^-

AZƏRTAC xəbər verir ki, Bakıdakı “Abu Arena”da yunan-Roma güləşi üzrə ölkə çempionatına yekun vurulmuşdur.

İki gün ərzində 170-dən çox idmançı qüvvəsini sınamışdır.

Natiq Bağırov (55 kq), Fuad Alıyev (60 kq), Rafiq Hüseynov (66 kq), İlqar Abdulov (74 kq), Şalva Qadabadze (84 kq), Aydın Səfərov (96 kq) və Cəlal Bahadurov (120 kq) bütün rəqiblərinə qalib gələrək, fəxri kürsünün ən yüksək pilləsinə qalxmışlar.

Qaliblərə fəxri fərman, medal və pul mükafatları təqdim edilmişdir.

Sərbəst güləşçilərimiz mübarizəyə yanvarın 7-də qoşulmuşlar.

Güləş üzrə ölkə çempionatı yanvarın 8-də yekunlaşacaqdır.