Yunanıstan 5,7 milyard avro məbləğində yardım ala bilər
Afina, 5 mart, AZƏRTAC
Yunanıstan mart ayının ikinci yarısında 5,7 milyard avro məbləğində yeni yardım paketi ala bilər.
AZƏRTAC xəbər verir ki, bu barədə Avrozonanın maliyyə nazirləri şurasının rəhbəri Mario Senteno bildirib. Onun sözlərinə görə, Yunanıstan bu yardımı almaq istiqamətində maliyyə proqramının bütün tələblərini icra edib. Yeni yardım paketi Avrozonaya üzv ölkələrin parlamentlərində martın sonunadək müəyyən prosedurların başa çatmasından sonra Yunanıstana veriləcək.
Qeyd edək ki, Avrozonanın maliyyə nazirləri şurasının yanvarda qəbul etdiyi qərara görə, Yunanıstana 6,7 milyard avro məbləğində yeni yardım paketi ayrılır. Yardım iki hissədə ödəniləcək. Birinci hissə 5,7 milyard avro təşkil edir.
İqbal Hacıyev
AZƏRTAC-ın xüsusi müxbiri
Afina
Bölmənin digər xəbərləri
