“Yuventus”un baş direktoru Marotta klubdan gedəcəyini bildirib
Bakı, 1 oktyabr, Nicat Məmmədov, AZƏRTAC
İtaliyanın “Yuventus” futbol klubunun baş direktoru Cuzeppe Marotta komandanı tərk edir.
AZƏRTAC “Football İtalia”ya nəşrinə istinadla xəbər verir ki, bu barədə baş direktorun özü məlumat verib.
C.Moratta deyib: “Bu çox gözəl səkkiz il oldu və “Yuventus” həmişə qəlbimdə olacaq. Mən öz gedişimi elan etmək istəyirəm, çünki klubun direktorlar siyahısı dərc olunacaq və orada mənim adım olmayacaq”.
C.Marotta qeyd edib ki, mənim klubla razılaşmam oktyabrın 25-də başa çatır və biz onu uzatmayacağıq: “Dəqiq deyə bilərəm ki, mən İtaliya Futbol Federasiyasının prezidenti vəzifəsinə namizəd olmayacağam, bu, hazırda məni maraqlandırmır. Daha sonra biz mövcud vəziyyəti daha ətraflı izah edəcəyik”.
Qeyd edək ki, C.Marotta 2010-cu ilin mayında "Yuventus"a baş direktoru təyin olunub.
Bölmənin digər xəbərləri
