ZAQATALADA ORDUDAN TƏRXİS OLUNAN GƏNCLƏR ÜÇÜN TRENİNQ KEÇİRİLMİŞDİR
«Azərbaycan Respublikasında kiçik və orta sahibkarlığın inkişafının Dövlət Proqramı»nın ( 2002-2005-ci illər) həyata keçirilməsi sahəsində gənclərin sahibkarlıq fəaliyyətinə hazırlanması sisteminin fopmalaşdırılması məqsədi ilə Gənclər, İdman və Turizm, İqtisadi İnkişaf, Əmək və Əhalinin Sosial Müdafiəsi nazirliklərinin təşəbbüsü ilə respublikamızın regionlarında ordudan tərxis olunan gənclər üçün «Sahibkarlığın əsasları» mövzusunda treninq-kurslar təşkil olunur. Növbəti tədbir əlaqədar nazirliklərin və onların yerli idarələrinin nümayəndələrinin iştirakı ilə Zaqatala şəhərində keçirilmişdir.
AZƏRTAC- ın müxbiri xəbər verir ki, bir gün davam edən kursda gənclərə Azərbaycanda kiçik və orta sahibkarlıq barədə geniş məlumat verilmiş, sahibkarlıq fəaliyyəti, inkişafı və genişləndirilməsi, fermer təsərrüfatlarının perspektivləri, kreditlərin alınma qaydaları, biznesin əsasları və digər mövzularda məruzələr edilmişdir.
Bölmənin digər xəbərləri
