Zaur Əliyev: Xidmətlər zərfi çərçivəsində 100 milyondan çox tibbi xidmət göstərilib
Bakı, 28 sentyabr, AZƏRTAC
Azərbaycanda artıq 10 milyon əhali sığortalanıb və xidmətlər zərfi 3 dəfə genişləndirilib. Bizim əsas məqsədimiz tibbi xidmətləri əhaliyə əlçatan etməkdir.
AZƏRTAC xəbər verir ki, bunu İcbari Tibbi Sığorta üzrə Dövlət Agentliyinin sədri Zaur Əliyev deyib.
O qeyd edib ki, xidmətlər zərfi çərçivəsində 100 milyondan çox tibbi xidmət göstərilib, 111-dən çox özəl tibb müəssisələri ilə müqavilə bağlanıb. Həkimlərə müasir tibbi avadanlıqlar təhvil verilib. Bunlar hamısı vətəndaşlara göstərilən tibbi xidmətlərin keyfiyyətini artırmaqdır.
Hazırda xidmətlər zərfində yer alan tibbi xidmətlərin sayı 3 min 315-ə çatıb.
Bölmənin digər xəbərləri
