Zelim Kotsoyev: İslamiadadakı qələbəmiz yüksək əzmin və bacarağın göstəricisidir
Ər-Riyad, 11 noyabr, Elnur Salahov, AZƏRTAC
Sona qədər gərgin mübarizə apardıq və komanda yarışlarında yüksək nailiyyət qazandıq. Bu qələbəmiz yüksək əzmin və bacarığın göstəricisidir.
AZƏRTAC xəbər verir ki, bu sözləri Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarının cüdo üzrə qarışıq komanda yarışında qızıl medal qazanan Azərbaycan millisinin üzvü Zelim Kotsoyev (100 kiloqram) jurnalistlərə açıqlamasında deyib.
İdmançı yığmanın uğurlu çıxışını dəyərləndirib: "Mən də öz üzərimə düşən məsuliyyətin öhdəsindən gəlməyə çalışdım. Fərdi yarışlarda qızıl medalı əldən verdim. Əslində bu mükafatı qazanmaq olardı. Görünür, bir az təşəbbüsü əldən verdim. Lakin, bu idmandır. İdmanda hər şeyin baş verməsi mümkündür. Əsas odur ki, cüdo millimiz VI İslam Həmrəyliyi Oyunlarının qalibidir".
Qeyd edək ki, Azərbaycanın cüdo millisi qarışıq komanda yarışının finalında Özbəkistan yığmasına 4:0 hesabı ilə qalib gəlib.
Bölmənin digər xəbərləri
