“Zəlzələ zamanı davranış qaydaları” layihəsi çərçivəsində maarifləndirmə tədbirləri davam etdirilir
Bakı, 11 iyul, AZƏRTAC
Azərbaycan Milli Elmlər Akademiyasının nəzdində Respublika Seysmoloji Xidmət Mərkəzinin “Zəlzələ zamanı davranış qaydaları” layihəsi çərçivəsində maarifləndirmə tədbirləri davam etdirilir.
Mərkəzin mətbuat xidmətindən AZƏRTAC-a bildirilib ki, növbəti maarifləndirmə tədbiri “Final” MTK-nın əməkdaşları üçün keçirilib.
Tədbirdə mərkəzin makroseysmik tədqiqatlar şöbəsinin müdiri, geologiya-mineralogiya üzrə fəlsəfə doktoru, dosent E.Qaravəliyev, tədris şöbəsinin əməkdaşları A.Ağazadə və M.Məmmədli çıxış edərək iştirakçılara zəlzələ zamanı davranış qaydaları və seysmik risk səviyyəsinin minimuma endirilməsinə dair məlumat veriblər.
Bölmənin digər xəbərləri
