Zəngilanda vətəndaşların işləri ASANdır
Bakı, 6 avqust, AZƏRTAC
Zəngilan rayonunun Ağalı kəndinin Dövlət Xidmətləri Mərkəzindəki “ASAN xidmət” köşkü vasitəsilə növbəti dəfə vətəndaşlara xidmət göstərilib.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən AZƏRTAC-a verilən məlumata görə, “ASAN xidmət” əməkdaşları tərəfindən onlara müəyyən onlayn xidmətlər üzrə yerində, digər növ xidmətlər üzrə isə müraciətləri qəbul edilməklə Səyyar ASAN xidmət vasitəsilə xidmət göstərilib.
Bu çərçivədə ümumilikdə 35 nəfər vətəndaşa şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi xidmətləri ilə bağlı müvafiq xidmətlər təmin edilib.
Xatırladaq ki, Zəngilan rayonunun Ağalı kəndində Dövlət Xidmətləri Mərkəzi 2022-ci il avqustun 4-də fəaliyyətə başlayıb.
Bölmənin digər xəbərləri
