“Zirvə” klubunun filialının nümayəndəsi “Rusiya Federasiyasının Prezident Kuboku” turnirində çıxış edib
Bakı, 15 dekabr, AZƏRTAC
Qroznı şəhərində ağır atletika üzrə “Rusiya Federasiyasının Prezident Kuboku” beşinci ənənəvi turniri başa çatıb.
AZƏRTAC xəbər verir ki, yarışda 14 ölkədən 54 idmançı (36 kişi və 18 qadın) iştirak edib. Onların arasında “Zirvə” beynəlxalq idman klubunun “Kişineu-Zirvə” filialının nümayəndəsi Georgi Çernıy (49 kq) da olub. İdmançı 330 kq (150+180) nəticə ilə 8-ci yeri tutub.
Qeyd edək ki, həmin turnirdə Qazaxıstandan ikiqat olimpiya çempionu İlya İlyin (105 kq) yeni dünya rekordu müəyyən edib-437 kq (191+246).
Bölmənin digər xəbərləri
