ZİYARƏTGAHLARIN YENİDƏN QURULMASI PLANI HƏYATA KEÇİRİLİR

05.02.2004 [20:51]
Çap et
A⁺ A^-

AZƏRTAC-ın Frans-Press Agentliyindən aldığı xəbərə görə, Səudiyyə Ərəbistanının rəhbərliyi bu günlərdə Mina vadisində baş vermiş faciədən sonra ziyarətgahların yenidən qurulması planının təxirə salınmadan həyata keçirilməsi barədə sərəncam vermişdir. Plan 20 il müddətinə nəzərdə tutulmuşdur.

Bu faciə Səudiyyə Ərəbistanının nüfuzuna xələl gətirmişdir. Ölkənin rəhbərliyi hələ bir ay əvvəl bəyan etmişdi ki, “böyük sayda toplaşan adamlara nəzarət üçün yeni inteqral strategiya”nın həyata keçirilməsinə başlanmışdır. Daxili işlər naziri bildirmişdir ki, faciə qeydiyyata alınmayan zəvvarların təqsiri üzündən baş vermişdir. Onlar həccə qeyri-mütəşəkkil surətdə gəlir və mərasimlərin icrası zamanı davranış qaydalarına çox vaxt məhəl qoymurlar.

Xatırladaq ki, 1998-ci ildə cəmərat (şeytana daş atılması) mərasimi zamanı 118 zəvvar, 2001-ci ildə 35, ötən il 14 zəvvar həlak olmuşdur.