10 MİLYON TONDAN ÇOX MƏNFƏƏT NEFTİ ƏLDƏ EDİLMİŞDİR
Dövlət Neft Şirkətindən AZƏRTAC-a verilən məlumata görə, “Əsrin müqaviləsi”nin iştirakçı şirkətləri, o cümlədən ARDNŞ artıq 7 ildir “mənfəət nefti”ndən gəlir əldə edirlər. Əgər 1999-cu ilin sonuna qədər hasil edilən neftin satışından əldə edilən gəlir çəkilən xərcin ödənilməsinə sərf olunurdusa, 1999-cu ilin dekabrında Azərbaycanın “mənfəət nefti” ilə doldurulmuş ilk tanker dünya bazarlarına yola salınmışdır. İndiyədək dünya bazarlarına 10 milyon tona yaxın neft göndərilmişdir.
Hazırda “Əsrin müqaviləsi” layihəsi üzrə çalışan yerli mütəxəssislərin sayı 17 min nəfərdən çoxdur. Azərbaycan vətəndaşlarının 9500 nəfərindən çoxu bp şirkətində işləyir və onların orta aylıq əmək haqqı 950 ABŞ dollarından artıqdır.
Bölmənin digər xəbərləri
