10 OKTYABR ÜMUMDÜNYA PSİXİ SAĞLAMLIQ GÜNÜ KİMİ QEYD OLUNUR
Qurumun informasiya və beynəlxalq əlaqələr şöbəsinin müdiri Leyla Bağırovanın sözlərinə görə, bu ilin mövzusu “Yüksək maarifləndirmə sui- qəsd və psixi xəstəliklərin qarşısının alınması”dır. Cəmiyyətin sağlamlıq və qayğı şöbəsi müvafiq tədbirlər planı tərtib etmişdir. Planda məktəblərdə müəllim və valideynlər üçün mütəxəssislərlə məsləhət-görüşlərin təşkil olunması, Səhiyyə Nazirliyi, Azərbaycan Psixiatrlar, Praktik Psixoloqlar, Amerika Məzunlar Assosiasiyaları və Azərbaycan Qızıl Aypara Cəmiyyətinin birgə yığıncağı, Bakı və Gəncə şəhərlərində, Bərdə, Abşeron rayonlarında əhali arasında psixi sağlamlığa aid sorğular aparılması, onlara informasiya materialları paylanması, Maştağa qəsəbəsində yerləşən 1 saylı ruhi xəstəxanada müalicə olunanalara hədiyyələr aparılması, onlar üçün konsert verilməsi, ay ərzində qaçqın və məcburi köçkünlər yaşayan yataqxanalarda psixoloq məsləhətləri təşkil olunması və s. nəzərdə tutulmuşdur.
Bir neçə gündür ki, tədbirlər uğurla reallaşdırılır.
