Salyanda narkotik tərkibli bitkilər əkib-becərən şəxs cinayət məsuliyyətinə cəlb olunur VİDEO
Bakı, 3 iyun, AZƏRTAC
Salyan rayonunda narkotik vasitələrin kultivasiyası ilə məşğul olmaqda şübhəli bilinən şəxs rayon polis şöbəsi əməkdaşlarının həyata keçirdikləri əməliyyat-axtarış tədbiri nəticəsində saxlanılıb. Daxil olmuş məlumat əsasında keçirilən tədbir nəticəsində rayonun Qardili kəndi ərazisində Qırxçıraq qəsəbə sakini Aslan Şirinovun kultivasiya yolu ilə yetişdirdiyi 18 çətənə kolu aşkar edilərək götürülüb.
Daxili İşlər Nazirliyinin mətbuat xidmətindən AZƏRTAC-a bildiriblər ki, A.Şirinov ifadəsində narkotik tərkibli bitkiləri bir müddət əvvəl əkdiyini və xüsusi qulluq göstərdiyini etiraf edib.
Faktla bağlı Salyan Rayon Polis Şöbəsinin istintaq bölməsində cinayət işi başlanılıb, araşdırmalar davam etdirilir.
Bölmənin digər xəbərləri
