İstanbul, 7 dekabr, AZƏRTAC

Qafqazda sabitlik və iqtisadi layihələrdən faydalanmaq əvəzinə Azərbaycan torpaqlarının işğalını davam etdirməyə üstünlük verən Ermənistanın və problemin siyasi həllində maraqlı olmayan dairələrin məqsədyönlü siyasəti səbəbindən Dağlıq Qarabağ münaqişəsi 30 ilə yaxın davam edib.

AZƏRTAC xəbər verir ki, bu fikirləri Türkiyənin xarici işlər naziri Mövlud Çavuşoğlu Antalyanın Akdeniz Universitetində Şərqi Aralıq dənizi ilə bağlı keçirilən beynəlxalq konfransda bildirib.

Nazir deyib: “Bizim Ermənistan ərazisi ilə bağlı heç bir iddiamız yoxdur. Hazırda regionda baş verən normallaşma prosesi Ermənistan və erməni xalqının da xeyrinə olacaq. Belə ki, biz ədalətli paylaşımın tərəfdarıyıq. İstər mənəvi, istərsə də hüquqi baxımdan güclüyük və bu gücümüzün önümüzdəki dövrdə hər kəsin xeyrinə istifadə edilməsinə kömək göstərəcəyik”.

Günel Məlikova

AZƏRTAC-ın xüsusi müxbiri

İstanbul