CƏMİYYƏT
#prokurorluqdanizah həştəqi altında təqdim olunan növbəti videoçarxda xuliqanlıqla bağlı məlumat verilib VİDEO
Bakı, 9 dekabr, AZƏRTAC
Prokurorluq orqanları dövrün tələblərinə uyğun olaraq müasir, vətəndaşyönümlü, onu məmnun edən tədbirləri daim diqqət mərkəzində saxlayır.
Baş Prokurorluğun mətbuat xidmətindən AZƏRTAC-a bildiriblər ki, vətəndaş məmnunluğu və aşkarlığın təmin olunması məqsədilə prokurorluğun fəaliyyət sahələri ilə bağlı vətəndaşları maraqlandıran məsələlərin prokurorluq əməkdaşları tərəfindən videoçarxlar vasitəsilə #prokurorluqdanizah həştəqi altında cavablandırılması işi davam etdirilir.
Təqdim olunan növbəti videoçarxda Baş Prokurorluğun mətbuat xidmətinin prokuroru Mələk Əliyeva “Xuliqanlıqla xırda xuliqanlığın arasında fərq nədir?” sualını cavablandırıb.
Videoizahı Baş Prokurorluğun sosial şəbəkələrdəki səhifələrindən və veb-saytından izləməklə həmin sualın cavabını öyrənmək olar.