2003-CÜ İLİN İŞ VAXTI BALANSI MÜƏYYƏN EDİLMİŞDİR
Əmək və Əhalinin Sosial Müdafiəsi Nazirliyi Azərbaycan Respublikası Əmək Məcəlləsinin tələblərinə uyğun olaraq, 2003-cü il üçün işçilərin iş vaxtı normasının düzgün hesablanması və tətbiq edilməsi məqsədi ilə yeni ilin iş vaxtı balansını müəyyən etmişdir.
Nazirlikdən AZƏRTAC-a bildirmişlər ki, həmin balansa uyğun olaraq, Əmək Məcəlləsinə və Nazirlər Kabinetinin “Qurban, Novruz və Ramazan bayramları haqqında” 22 noyabr 2002-ci il tarixli 184 nömrəli qərarına əsasən, 2003-cü ildə aşağıdakı günlər iş günü hesab edilmir:
1 yanvar - Yeni il;
20 yanvar - Ümumxalq hüzn günü;
11 fevral - Qurban bayramı;
8 mart - Qadınlar günü;
20-21 mart - Novruz bayramı;
9 may - Faşizm üzərində qələbə günü;
28 may - Respublika günü;
15 iyun - Milli qurtuluş günü;
26 iyun - Azərbaycan Respublikasının Silahlı Qüvvələr günü;
18 oktyabr - Dövlət müstəqilliyi günü;
12 noyabr - Konstitusiya günü;
17 noyabr - Milli dirçəliş günü;
25 noyabr - Ramazan bayramı;
31 dekabr - Dünya azərbaycanlılarının həmrəyliyi günü
2003-cü ilin fevral ayı 28 təqvim günündən, il isə 365 təqvim günündən ibarətdir.
Bu il beşgünlük iş həftəsində 14 bayram və bir Ümumxalq hüzn günü, onlardan üç bayram günü istirahət günləri ilə üst-üstə düşən 104 istirahət günü, cəmi 116 istirahət, bayram və ümumxalq hüzn günü və 249 iş günü vardır ki, onlardan da 10-u bayramqabağı iş günləridir.
Qanunvericiliyə uyğun olaraq 2003-cü il üçün 40 saatlıq iş həftəsində illik iş vaxtının norması 1982 saat təşkil edir (239x8+10x7=1982 saat).
Bölmənin digər xəbərləri
