ELM VƏ TƏHSİL
2004-CÜ İLDƏ GÜNƏŞ VƏ AYIN HƏR BİRİ İKİ DƏFƏ TUTULACAQDIR
AZƏRTAC-ın İTAR-TASS agentliyindən aldığı xəbərə görə, Pulkovo Astronomiya Rəsədxanasından bildirmişlər ki, 2004-cü ildə Günəş və Ayın hər biri iki dəfə tutulacaqdır.
Günəşlə Ayın görünən disklərinin yaxınlaşması, müvafiq olaraq, aprelin 19-da və oktyabrın 14-də gözlənilir. Ayın tam tutulmaları mayın 4-də və oktyabrın 28-də olacaqdır. Təbiətin bu dörd qeyri-adi hadisəsindən yalnız biri - aprelin 19-da Günəşin tutulması Rusiyadan yan keçəcəkdir. Oktyabrın 14-də Günəş tutulması ölkənin şərq bölgələrində müşahidə olunacaqdır. Bunu qismən və maksimal fazada Maqadanda seyr edəcəklər. Bu zaman Günəş-Ay diskləri bir-birinin sahəsini 93 faiz örtəcəkdir.