Azərbaycan Ordusunun Təlim və Tədris Mərkəzində keçirilən “Gizir hazırlığı” kursu davam edir VİDEO
Bakı, 16 mart, AZƏRTAC
Azərbaycan Ordusunun Təlim və Tədris Mərkəzində keçirilən “Gizir hazırlığı” kursunun planına uyğun olaraq təlim atış çalışmaları yerinə yetirilib.
Müdafiə Nazirliyinin mətbuat xidmətindən AZƏRTAC-a bildirilib ki, atışdan əvvəl kursantların nəzəri biliklərini artırmaq məqsədilə atəş hazırlığı üzrə məşğələlər keçirilib. Silahların taktiki-texniki xüsusiyyətləri, onlardan istifadə qaydaları, eləcə də nişanalma və atəş açmanın digər əsasları öyrədilib, təhlükəsizlik qaydaları çatdırılıb.
Kursantların praktiki vərdişlərinin təkmilləşdirilməsi məqsədilə səhra şəraitində keçirilən təlim atış çalışmalarında əsas diqqət düzgün nişanalma qaydalarına əməl etməklə hədəflərin vaxtında aşkarlanaraq dəqiq atəşlə məhv edilməsinə yönəldilib.
Atış çalışmalarında verilən bütün tapşırıqlar kursantlar tərəfindən müvəffəqiyyətlə yerinə yetirilib.
Bölmənin digər xəbərləri
