20 Yanvar faciəsi xalqımızın azadlıq mübarizəsinin zirvəsidir
Bakı, 20 yanvar (AZƏRTAC). Yanvarın 20-də Ümumxalq Hüzn Günündə Şəhidlər xiyabanını ziyarət etməyə gələnlərin sırasında Yeni Azərbaycan Partiyası Gənclər Birliyinin üzvü Murad Əhmədov da vardır.
Murad Əhmədov AZƏRTAC-a demişdir ki, Qanlı Yanvar faciəsi bütün dünyaya Azərbaycan xalqının azadlıq mübarizəsi uğrunda qəhrəmancasına canından keçən, iradəli, əyilməz bir xalq olduğunu sübut etmişdir. 20 Yanvar Azərbaycanın qəhrəmanlıq salnaməsinin ən parlaq səhifələrindən biri kimi tarixə düşmüş, xalqımızın azadlıq mübarizəsinin zirvəsidir. Öz ölkəsinin, xalqının azadlığını, şərəf və ləyaqətini hər şeydən uca tutan mərd Vətən övladları həyatlarını qurban verərək şəhidlik zirvəsinə ucalmışlar. Onlar öz canlarından keçərək ölkəmizin müstəqilliyinə yol açmışlar. Allah şəhidlərimizə rəhmət etsin!
Bölmənin digər xəbərləri
