22 APREL BEYNƏLXALQ YER GÜNÜDÜR
Bakı, 22 aprel (AZƏRTAC). Aprelin 22-si Beynəlxalq Yer Günüdür. Hər il qeyd olunan əlamətdar günün tarixi XIX əsrin 40-cı illərinə təsadüf edir. ABŞ-ın Nebraska ştatının sakini Corc Morton tərəfindən yaşıllaşdırma gününün keçirilməsi təklif edilmişdir. 1882-ci ilin bu günü Nebraska ştatında rəsmi bayram elan olunaraq “Ağac günü” kimi qeyd olunmağa başlanmışdır. 1970-ci ildən isə senator Geylord Nelsonun təklifinə əsasən, ekoloji problemlərə, ətraf mühitin çirklənməsinə, təbiətin əhəmiyyətinə diqqəti artırmaq məqsədilə həmin gün “Yer günü” adlandırılmışdır.
Bu bayram beynəlxalq xarakter alaraq hazırda 150-yə yaxın ölkədə, o cümlədən Azərbaycanda qeyd olunur. Bu günlər insanlar müxtəlif ekoloji tədbirlərdə iştirak etməklə ağaclar əkir, yaşıllıqlara qulluq edir, yaşadıqları əraziləri müxtəlif tullantılardan təmizləyirlər.
Bölmənin digər xəbərləri
