Azərbaycan Dövlət İnformasiya Agentliyi

SİYASƏT

Londonda hüquq şirkəti qurmuş azərbaycanlı vəkil: Elə olub ki, milyonlarla funt sterlinq təzminat almışıq - VİDEOMÜSAHİBƏ

Londonda hüquq şirkəti qurmuş azərbaycanlı vəkil: Elə olub ki, milyonlarla funt sterlinq təzminat almışıq - VİDEOMÜSAHİBƏ

London, 23 aprel, AZƏRTAC

Londonun ən mərkəzi və paytaxt zənginlərinin ən çox baş çəkdiyi ərazilərdən birinə - Meyfeir adlanan bölgəyə üz tuturam. Dəfələrlə gəldiyim bu yerə bu gün daha başqa bir gözlə baxıram; çünki bu dəfə təkcə gəzmək üçün gəlməmişəm… Soydaşlarımızdan birinin burada ofisi var, “nə gözəl” deyə fəxr və qürur hissi yaşayıram.

Bugünkü müsahibimiz Rauf Xəlilov 24 ildir ki, Londonda yaşayır və 2013-cü ildən bəridir onun “Mergul Law” adlanan şirkəti Londonda fəaliyyət göstərir. O, həmçinin bir neçə il öncə ingilis dilində iki uşaq kitabı yazıb, Londondakı Azərbaycan məktəbində də həftə sonları azərbaycanlı uşaqlara şahmat dərsi keçir.

Rauf Xəlilov deyir ki, şirkəti müxtəlif sahələri əhatə etsə də, onlar əsasən “dispute resolution”, yəni mübahisələrin həlli üzrə ad-san qazanıblar. Hüquqda mübahisələrin həlli tərəflər arasında münaqişələrin və ya fikir ayrılıqlarının, çox vaxt danışıqlar, vasitəçilik, arbitraj və ya məhkəmə çəkişmələri yolu ilə həlli prosesinə aiddir. Söhbət məhkəmə sisteminin iştirakı ilə və ya iştirak etmədən hər iki tərəfin razılaşa biləcəyi həll yolunu tapmaqdan gedir.

AZƏRTAC-ın London bürosu olaraq, Rauf Xəlilovla Londondakı fəaliyyəti və onu hüquq şirkəti qurmağa aparan yollar barəsində danışırıq.

-Necə oldu ki, hüquq şirkəti açmağa qərar verdiniz?

-Uşaqlıqdan ancaq bizneslə məşğul olmaq, özüm üçün çalışmaq istəmişəm. Vəkillik təhsili alanda əvvəldən bilirdim ki, bu, nə vaxtsa olacaq. Təbii ki, İngiltərədə şirkət açmaq asan deyil. Burada bir çox maneələr var. Onların hamısını aşmaq lazımdır. Birincisi, vəkil kimi mükəmməlləşmək lazımdır. Sonra həm maddi, həm mənəvi və iqtisadi nöqteyi-nəzərdən buna hazır olmaq gərəkdir. Şirkət açmaq riskli bir addımdır. Təkcə hüquq şirkəti yox, hansısa balaca bir biznesi tanımadığın bir ölkədə, bələd olmadığın bazarda açmaq özü bir riskdir.

Xüsusilə hüquq şirkətini açmaq, onu uğurlu idarə etmək üçün cəsarətdən başqa çoxlu amillər gərəkdir. Mən şirkəti açmazdan öncə təhsil aldım, təhsilimi bitirdikdən sonra təcrübə topladım. Təcrübə topladıqdan sonra bəzi kiçik şirkətlərdə departamentlər qurdum. Görəndən, əmin olandan sonra ki, mən bu işi bacarıram, öz şirkətimi qurmaq, müstəqil hərəkət etmək qərarına gəldim. Bu, birdən-birə olmadı. Bütün addımları yavaş-yavaş atmışam. Ümumiyyətlə mən çox böyük risklərə girməyi xoşlayan insan deyiləm. Çünki, çox zəngin bir yerdən çıxmamışam və böyük risklər qəbul edərək nəyisə birdən-birə itirmək lüksüm yoxdur. Ona görə çox səmərəli, çox aram addımlarla irəli getməyi seçirəm. Öz işimdə, peşəmdə, bu şirkəti qurmağımda belə addımlamışam.

-Hüquq şirkəti açmaq, onu işlətmək çox məsuliyyətli bir işdir. Hazırda iş qrafikiniz necədir? Bir gününüz necə keçir?

- Hansısa şirkət sahibisənsə normal iş qrafikin olmur. Həftənin 7 günü, günün 24 saatı işləyirsən. Çox vaxt zaman yetmir. Dostlarımla zarafatlaşanda bəzən deyirəm kaş sutka 24 saat yerinə 25-26 saat olaydı ki, işlərin hamısını həll edə bilərdik.

İşə təzə-təzə başlayanda mən müştərilərlə daha çox təmasda olurdum, bir vəkil kimi onların işləri ilə daha çox məşğul idim. Vəkillik fəaliyyətim demək olar ki, haradasa 80 faiz idi. Ancaq şirkət böyüdükcə, işçilər işə götürdükcə yavaş-yavaş diversifikasiya elədik. Vəkillik fəaliyyətimi azaltdım, daha çox biznes tərəfinə diqqət etməyə başladım. “Business building”ə - biznesi qurmaq işinə daha çox diqqət edirəm. Həm də supervayzer, yəni nəzarətçi işi ilə məşğulam. Bundan əlavə, strateji addımlara diqqət edirəm. Hansısa bir işi aparırıqsa, orada strategiya, plan var. İşi əvvəldən planlaşdırmaq, strategiya qurmaq, hansı addımlar atmaq gərəkdir; bu kimi sferalarda daha çox fəaliyyət göstərirəm. Biznesin hər hansı bir ehtiyacları varsa onlarla məşğul oluram, mühüm görüşlər keçirirəm.

-İşçiləri şirkətə qəbul edəndə onları özünüz seçirsiniz?

-Bizdə fərqli departamentlər var. Hər bir departamentə işçi götürəndə o departamentin rəhbəri ilk müsahibəni aparır. Seçimi onlar edirlər. Ondan sonra məsələni mənimlə müzakirə edirlər. Mən də onların müsbət rəyini aldıqdan sonra namizədlərlə söhbət aparıram. Baxıram ki, şirkət üçün uyğundur, ya yox. Bəzən görürsən ki, vəkil olaraq kimsə yaxşı vəkildir, amma komanda üzvü kimi o, komandaya uyğun deyil.

-İşinizin sevdiyiniz və sevmədiyiniz tərəfləri hansılardır?

-Sevdiyim tərəfi odur ki, biz insanlara kömək edirik. Çox vaxt insanlar bizə çox müxtəlif problemlərlə gəlirlər: sosial, ailə, ictimai və s. kimi. Bu məsələlərdə insanlara yardım edə bilmək fürsəti, qabiliyyəti xoşuma gəlir. Bu səbəbdəndir ki, mən bu peşəni seçmişəm.

Mən həkimlər ailəsindən gəlirəm. Atam, əmilərim, xalam həkimdir. Bizdə insanlara kömək etmək ailəmizdən gəlir. Mən həkim olmadım, amma vəkil oldum. Bizim peşəmiz belədir ki, biz də insanlara kömək etməyə çalışırıq.

Xoşuma gəlməyən amillər odur ki, bəzən elə vaxtlar olur insanlara kömək edə bilmirəm. Ya da elə məqamlar olur ki, etdiyimiz kömək adekvat kömək olmur. Məsələn, insanlar həyatını itirir, biz o məqamda istəyirik ki, onların uşaqlarına, ailə üzvlərinə təzminat alaq. Bu təzminatı alanda bir müsbət nəticə əldə etsək belə, bununla qane ola bilmirəm. Çünki elə bir itki baş verib ki, onu təzminatla tam qapatmaq mümkün deyil. Ən çox da kiçik uşaqlarla bağlı olan məsələlərdə… Uşaq ona yaxın olan bir insanı itirirsə, o anda əllərimin bağlı olduğunu hiss edib məyus oluram.

-Londonda, Britaniyada bilirəm ki, vəkil tutmaq baha başa gəlir. Səhv etmirəmsə vəkil tutmağın saatı 250 funt sterlinqdən başlayır. Sizin şirkətdə qiymətlər necədir?

-Bizdə fərqli-fərqli xidmət müqavilələri var. Siz dediyiniz “retainer based kontrakt”dır. Orada saatladır.

Bəzən də biz faizlə işləyirik. Hansısa çəkişmədə vəkil və müştəri faizə anlaşır. Vəkil məsələn, uduşdan 30 faiz götürür ya da 40 faiz. Bu, fərqli-fərqli müqavilələrdir. Onun da hamısı risk əsasında hesablanır. Məsələn, bir işlə məşğul olanda vəkil baxmalıdır ki, burda risklər nədir, uduş şansı nə qədərdir və onun əsasında bir qərar qəbul edilməlidir.

İstənilən müştəri şirkətimizə müraciət edərkən biz onlara ən yaxşı variant hansıdırsa onu məsləhət görürük. Bəzən elə bir iş olur, müştəri soruşur ki, bu işi görsəniz “conditional fee agreement” etmək olarmı? Ya da işə baxıram, görürəm ki, mən burada məktub yazsam biz işi udacağıq. Əgər həmin iş yarım milyonluq iddiadırsa onun 30 faizini müştərinin bir məktuba görə ödəməsi düzgün deyil. Ona görə biz bunu müştəriyə əvvəldən deyirik ki, bu sizə sərf etmir. Sizə sərf edər ki, burada ödənişi saathesabı edəsiniz. Mərhələ-mərhələ gedirik. Birinci mərhələdə uda bilməsək, onda yenidən oturur, müzakirə edirik ki, başqa hansı variant sizin üçün daha yaxşıdır.

Sizin dediyiniz saatına 250 funt sterlinq əslində ucuz qiymətlərdir. Bizdə qiymətlər daha da bahadır. Biz bəzən bir saat üçün 450, 500, 600, 1000, 1 500 funt sterlinq alırıq. Prosesdən asılı olur və qiymətə təsir edən amillər çoxdur. Məsələn ortada 10 milyonluq bir iddia varsa, orada 200 funtluq vəkili yanına getmək düzgün deyil. Mən demirəm ki, 200 funt sterlinq alan vəkil yaxşı vəkil deyil. Standard praktika bunu göstərir ki, o işlə məşğul olan vəkillərin özlərinin qiyməti var. Hüquqşünasın ixtisası, peşəsi, təcrübəsi, qələbə nəticələri - bunlar hamısı vacib amillərdir.

Şirkətimizdə biz onlayn marketinqlə az məşğul oluruq. Məsələn, biz şəxsi tövsiyələrə üstünlük veririk. Bizim işimiz həkimlərdəki kimidir. Bu, belə bir peşədir ki, şəxsi tövsiyə olmalıdır. Bilinməlidir ki, bu hüquqşünas, həkim kimdir, hansı işlərlə məşğuldur, hansı uğurları var.

Biz də işə seçim etdiyimiz zaman hansısa bir ixtisasa hüquqşünas, ekspert lazımdırsa ən yaxşısını seçməyə çalışırıq, CV-lərə baxırıq, müsahibələr keçiririk, suallar veririk. Qarşımızdakı suallarımıza cavab verə bilmirsə, ya da yetəri qədər peşəkarlıq göstərə bilmirsə onu işə götürmürük.

-Bir iş, iddia üzrə aldığınız ən böyük təzminat nə qədər olub?

-Məxfilik məsələsinə görə bunu deyə bilmərəm, amma milyonlarla funt sterlinq olub. Hələ elə olmayıb ki, milyardlıq kompensasiya alaq, amma milyonlarla funt sterlinq kompensasiya aldığımız olub.

Bu məbləğ bəzən çox aşağı da olub, bəzən elə olub ki, işdən cəmi min funt sterlinq qazanmışıq. Bəzən də elə olub ki, biz nəticə əldə edirik, iddianı qazanırıq, ancaq orada pul yox, non-monetary (qeyri-pul) təzminatlar alırıq. Onlar da insanlar üçün vacibdir. Məsələn, bir məktəbdə uşağa diskriminasiya edirlər, orada təzminat istəmirsən, amma deyirsən ki, bu addımlar atılmalıdır. Biz belə işlərə də baxmışıq.

-Hər hansı bir iddiada, məhkəmə çəkişməsində uduzanda nə hiss edirsiniz?

-İxtisasımız elədir ki, burada udmaq da, uduzmaq da realdır. Hər bir işi götürəndə, onu uduzmaq şansımızın olduğunu bilərək başlayırıq. Hüquqda, mülki çəkişmələrdə əgər 51 faiz udmaq şansı varsa, o, uğurlu şans sayılır. Yəni o işləri qəbul edə bilərsiniz. 51 faizdən aşağıdırsa müştərinizə deməlisiniz ki, udmaq şansınız azdır. Ona görə, məhkəməyə çıxmasınlar, çalışsınlar işi anlaşma ilə həll etsinlər. Hər bir iş hər bir peşəkarın təcrübəsinə bağlıdır. Bizim işimiz çəkişmədə şahmat partiyası kimidir. Şahmat partiyasına bir qrosmeyster baxa bilər, bir şey görə bilər. Adi bir oyunçu baxıb başqa bir şey görə bilər. Ona görə, bu çəkişmələrdə kim-kimlə savaşır, kim-kimlə oyun oynayır; o, çox önəmlidir. Bizdə elə olub ki, işdə əlimiz çox zəif olub, amma udmuşuq. Yəni burada artıq təcrübə sözünü deyir. Özünü necə aparırsan, necə danışırsan, hüququ nə qədər bilirsən…

Bu gün tanışlarımdan biri məndən kömək məqsədilə məsləhət aldı. Elə bir məsələdir ki, orda oyunu udmaq çətindir. Ancaq ona elə məsləhət verdim ki, dostum həmin məsləhətlə qarşı tərəf üçün ciddi problem törədə bilərdi. Bu zaman o biri tərəf məcbur qalıb bu işi razılaşdırma yolu ilə həll etmək təklifini irəli sürməyə məcbur olacaqdı. Yəni elə bir partiyada elə taktika yaradırsan ki, qarşı tərəf qalır çaşbaş. Bunlar hamısı təcrübə ilə gəlir.

-Siz həm də ingilis dilində uşaq kitabı yazmısınız...

-Bir var insanın peşəsi, bir də var hobbisi. Hobbi insana peşədən daha çox yaxın olur. Hobbim yaradıcılıqdır. Musiqi yazmaq, şeir yazmaq, kitab yazmaq; bu işləri çox sevirəm, xoşlayıram. Londonda “bazar günü” Azərbaycan məktəbi var, uşaqlara orada şahmat dərsi deyirəm. Bəzən şeirlər söyləyirəm, mahnı oxuyuram, bayramlarda çıxışlarımız olur. Çalışıram ki, Azərbaycan mədəniyyətini buradakı uşaqlara çatdırım, onlar da öyrənsinlər.

Uşaq kitabları da yazmışam. Birinci kitabımın adı “Sidrinin əfsanəsi”dir (“The Legend of Sidri”). Bu kitabı oğlum üçün o dünyaya gələndə yazmışdım. Orada mahnılar, nəsihətlər var hansı ki, bir ata olaraq mən öz övladıma çatdırırdım. O prosesin içində belə bir qərara gəldim yazdıqlarımı kitab formasında dərc etmək lazımdır ki, başqa uşaqlar da oxusunlar. Oğluma yaxşı məsləhət verirəmsə, bunu niyə başqa uşaqlar da öyrənməsinlər?! Bunu xeyriyyə proyekti kimi etdik, kitabın satışından əldə etdiyimiz maliyyə vəsaitini iki uşağın tibbi xərclərinə ödədik.

İkinci kitabım isə pandemiya zamanı çap olundu. “Mimi” adlanan bu kitab balaca bir koalanın həyatı və həyatdakı çətinlikləri haqqında olan bir əhvalatdır. O kitabın sayəsində də bir xeyli maliyyə topladıq. O maliyyəni Azərbaycanda fəaliyyət göstərən autistik cəmiyyət var, onlara yolladıq.

-Gənclərə nə məsləhətlər verərdiniz?

-Dünyanın çox yerini gəzirəm, dolaşıram. Bütün ölkələrdə, ailələrdə (buna öz ailəm də daxildir) hara gedirəmsə bir tendensiya görürürəm: insanlar təhsildən uzaqlaşır; insanlar zəhmət çəkməkdən uzaqlaşır; insanlar asan yollara daha çox üstünlük verirlər. Bu da məni narahat edir.

İstərdim ki, insanlar texnologiyanın yaratdığı bu rahatlıqlardan düzgün, səmərəli istifadə etsinlər. Özlərini inkişaf etdirsinlər, özlərində yetəri qədər istedadlar yetişdirsinlər. Əgər istifadə etdikləri texnoloji yardımlar düzgün çalışmasa, ya da istənilən nəticəni verməsə onu təmir edəcək, düzəldəcək bir qabiliyyətləri olsun.

İnsanların bu texnologiyaya, rahatlığa yanaşmaları məni narahat edir. Belə olanda insanlar, onların qabiliyyətləri daha da çox bəsitləşir. Düşünürəm ki, bu da böyük problemlərə yol aça bilər.

Aytən Abbaslı

AZƏRTAC-ın xüsusi müxbiri

London

Londonda hüquq şirkəti qurmuş azərbaycanlı vəkil: Elə olub ki, milyonlarla funt sterlinq təzminat almışıq - VİDEOMÜSAHİBƏ

Xəbəri sosial şəbəkələrdə paylaşın

Bizi sosial şəbəkələrdə izləyin

Azərbaycan Qlobal Texnologiya Forumunda təmsil olunub

Fövqəladə hallar könüllüləri təltif edilib

Anaklia limanının investorları Çin şirkətləri olacaq

“Səbail” klubu Şahin Diniyevlə müqaviləni yeniləyib

İngiltərədə gənc həkimlər növbəti tətilə hazırlaşırlar

Bakıda ilk dəfə padel tennisi üzrə beynəlxalq turnir keçirilir

Süni intellekt ilə yeni dövrə qapı aç - seminar

Açıq Büdcə İndeksi üzrə Hesablama Palatasının fəaliyyəti çox yüksək qiymətləndirilib

Qulluqda olmanın son yaş həddinə çatmış prokurorluq işçiləri təltif edilib

® “Nar”ın dəstəyi ilə hazırlanan “jestdili.az” saytının istifadəçilərinin sayı ikiqat artıb

Qarabağ Universitetinə fakültə dekanları seçilib

Politoloq: Avropa İttifaqı və İtaliya ilə Azərbaycanı bir çox layihələr birləşdirir

İngiltərə klubu 5 oyunçu ilə yollarını ayırıb

Elm və təhsil naziri Naxçıvanda vətəndaşlarla görüşəcək

Mərakeşli nazir: Azərbaycanla əlaqələrin inkişafında geniş potensial var

AYNA paytaxtda hərəkətin yenidən təşkili ilə bağlı növbəti layihənin icrasına başlayıb

8 aya yaradılan möcüzə - Böyük Qayıdışın Xocalı səhifəsi REPORTAJ

“Evdə tək” filmindəki ev satışa çıxarılıb

İyunun 3-dən BDU-da yaz imtahan sessiyası başlanacaq

Etibar Əsədlinin caz triosunun Brüsselin tanınmış “The Music Village” caz klubunda konserti olub

“Hitachi” və “Google Cloud” süni intellekt sahəsində əməkdaşlıq edəcəklər

Azərbaycanın dəstəyi ilə Bişkek şəhərindəki Heydər Əliyev adına məktəb-gimnaziyada STEAM Mərkəzi açılıb

“Yaşıl dünya naminə həmrəylik ili” çərçivəsində jurnalistlər arasında müsabiqə elan edilib

“Araz-Naxçıvan” “Neftçi”nin yetirməsi ilə müqavilə imzalayıb

Azərbaycan Respublikası Müdafiə Nazirliyinin rəhbərliyi Türkiyəyə işgüzar səfər edib

Frensis Bekonun rəsm əsəri oğurlandıqdan 9 il sonra tapılıb

Londonda Fələstinə dəstək aksiyası zamanı 40 nəfər saxlanıb

Kənd təsərrüfatı nazirinin müavini Salyanda vətəndaşları qəbul edib, fermerlərlə görüşüb

ATU-da əmək yarmarkası: 50-yə yaxın şirkət, 500-dən çox vakansiya

Azərbaycanın Müstəqillik Günü Limada da qeyd olunub VİDEO

Azərbaycanın üç idmançısı qrapplinq üzrə Avropa çempionatında medal qazanıb

"GameSummit"in marketinq direktoru: "Bu festivala maraq böyükdür”

Vyetnamlılar ölkələrinin azadlığı və inkişafında Azərbaycan xalqının dəstəyini heç vaxt unutmayacaq

Müxtəlif vaxtlarda bank kartlarından pul vəsaitlərini talayan şəxs saxlanılıb

“PAŞA Bank” son üç ildə Qarabağdakı layihələrə ayırdığı kreditin həcmini açıqlayıb

Şanxay Əməkdaşlıq Təşkilatının Baş katibi Can Mindən

Fələstin qəzeti Azərbaycanın Müstəqillik Günü haqqında məqalə dərc edib

İtaliyada fəaliyyət göstərən Napoli-Bakı Assosiasiyasının sədri Cuzeppe Kaniliadan

“Azərişıq” cənub rayonlarında yenidənqurma işlərini davam etdirir

Azərbaycanın xarici işlər naziri Pakistana rəsmi səfərə yola düşüb

Avropa Liqasında mövsümün ən yaxşı qolu müəyyənləşib VİDEO

Azərbaycan və İran Araz su anbarının iş rejimi və iki ölkə arasında su bölgüsünü müəyyənləşdiriblər

Azərbaycanda ilk dəfə olaraq Naxçıvanda regional sığorta forumu keçirilib - YENİLƏNİB

® ABB-dən tam rəqəmsal təcrübə ilə “İnvoysların maliyyələşdirilməsi”

Türkiyədə “EFES-2024” hərbi təlimləri davam edir

Bakı-Şamaxı-Yevlax yolunda nəqliyyatın hərəkəti zolaqlar üzrə məhdudlaşdırılacaq

Professor Qəzənfər Kazımovun “Azərbaycan dilinin qrammatikası” dərsliyi çap olunub

Əlilliyi olan şəxslərin təqdimatında moda nümayişi təşkil edilib

Varşavada “Azərbaycanın multikultural kimliyində xristian mirası” adlı fotosərgi təşkil edilib

Olimpiya lisenziyası qazanan Anna Başta: Məşqçim dedi ki, hazırlaş, Parisə gedirik

David Karapetyan Ermənistan XİN-in baş katibi təyin edilib

Hans-Diter Flik “Barselona”da

Azərbaycan alimləri Türkiyədə

Bakıda saxlanılan narkokuryerdən 7 kiloqram marixuana aşkarlanıb

Akademik Milli Dram Teatrı ölkəmizi Beynəlxalq forumda təmsil edəcək

Azərbaycanda ilk dəfə Qəmbər Hüseynli adına I “Cücələrim” Uşaq Festivalı keçiriləcək

Səudiyyə Ərəbistanı və Bəhreyn mediası Azərbaycanın Müstəqillik Günündən yazıb

Uzunoba Su Anbarının yuxarı hissəsində təmizlik və dərmanlama işləri aparılıb

Kiyevdə Azərbaycanın Müstəqillik Günü münasibətilə qəbul keçirilib

Film layihələri müsabiqəsində qalib gələn filmləri tələbələr çəkəcək

BMU tələbələri “Zəfər festivalı-2” idman yarışlarında uğurlu nəticələr qazanıblar

“Kapitan və Xəzər dənizi” sənədli-animasiya filmi maliyyələşdirilir

Azərbaycanın Müstəqillik Günü Qahirədə də qeyd edilib

Milli Kitabxanada növbəti treninq təşkil olunub

Kənd Təsərrüfatı Nazirliyi və Dövlət İdarəçilik Akademiyası arasında əməkdaşlıq memorandumu imzalanıb

AQTA: Monitorinqlər zamanı 78 müəssisədə nöqsanlar aşkarlanıb

Dövlət Komitəsinin sədri Qobustanda vətəndaş qəbulu keçirib

Coğrafiya İnstitutu Hacı Zeynalabdin Şirvaninin “Səyahət bağları” kitabını nəşr etdirib

Fərid Şəfiyev: Rasional siyasətinə görə Azərbaycan mənfi təsirlərə daha az həssasdır

Azərbaycan Prezidentinin Xocalıya səfəri Türkiyə mətbuatında geniş işıqlandırılıb

Türkiyədə HDQ-nin ehtiyacları üçün müasir döyüş idarəetmə paneli təqdim edilib

“Qəbələ” klubunu daha bir futbolçu tərk edib

Xocalıda 24 ailəyə evlərinin açarları təqdim olunub - YENİLƏNİB VİDEO

Litva Respublikasının Prezidenti Zati-aliləri cənab Gitanas Nausedaya

Pilotsuz helikopter Türkiyə müdafiə sənayesinin yeni uğurudur

Dünyada ilk dəfə insanlara dişi bərpa edən dərman veriləcək

Keniya Respublikasının Prezidenti Zati-aliləri cənab Uillyam Samoei Rutoya

Rusiya Federasiyası Dövlət Dumasının deputatı Dmitri Savelyevdən

“Mir” Dövlətlərarası Teleradio Şirkətinin sədri Radik Batırşindən

Beynəlxalq Rusdilli Vəkillər Assosiasiyasının prezidenti Həsən Mirzəyevdən

Ottavada parlament binasının önündə Azərbaycan Bayrağı ucaldılıb

Azərbaycanlı Tələbələr və Məzunlar Platforması xarici ölkələrdə Müstəqillik Gününə həsr olunan tədbirlər keçirib

BANM-də beynəlxalq elmi konfransların qalibləri mükafatlandırılıb

Kanadanın Regina şəhərində Müstəqillik Günü münasibətilə Azərbaycan Bayrağı qaldırılıb

“Aşıq dastanları” kitabı işıq üzü görüb

Bakı metrosuna məxsus vaqonların təkərləri çıxarılmadan təmir olunacaq

Dövlət Gənc Tamaşaçılar Teatrında hesabat konserti - Sülh göyərçinləri

Romada İtaliya-Avropa İttifaqı-Azərbaycan əlaqələri ilə bağlı tədbir keçirilir

® “Qırmızı Ürəklər Fondu”nun şəhid və qazi ailələrinin fərdi yaşayış evləri ilə təmin edilməsi istiqamətində layihəsi davam edir

İsveç Baş nazirinin müavini: Aİ müsəlmanların doğma ölkələrinə qaytarılması təşəbbüsü ilə çıxış etməlidir

Cəlilabadda yaşayış evlərindən oğurluq edən keçmiş məhkum saxlanılıb

Ötən il sığorta ödənişlərinin həcmi tarixi rekord nəticəyə -1 milyard 265 milyon manata çatıb

Fərid Şəfiyev: Azərbaycan və İtaliya arasında möhkəm siyasi qarşılıqlı fəaliyyət mövcuddur

BDU Yaponiyanın Tsukuba Universiteti ilə əməkdaşlıq edəcək

Dövlət Məşğulluq Agentliyinin İdarə Heyətinə yeni sədr təyin olunub

“YAŞAT” Fondunun dəvəti ilə türkiyəli şəhid ailələrinin üzvləri Şuşada olublar

Mobil cihazlardan istifadə məktəblilərin müvəffəqiyyət dərəcəsini aşağı salır

SAT imtahanının nəticəsi əsasında ADA Universitetinə qəbul olmaq istəyən abituriyentlərin nəzərinə

Fuad Muradov Moldovada bir sıra rəsmi görüşlər keçirib VİDEO

“Araz-Naxçıvan” mövsümlərarası fasilədə ilk transferini reallaşdırıb