350 AİLƏYƏ YARDIM PAYLANMIŞDIR
Azərbaycan Prezidenti Heydər Əliyevin tapşırığına uyğun olaraq respublika yanacaq və energetika naziri Məcid Kərimov və nazirliyin bir qrup işçisi Nacıqabul rayonunun “Atom” qəsəbəsində məskunlaşmış 350 məcburi köçkün ailəsi ilə görüşmüş, onlara Dünya azərbaycanlılarının həmrəyliyi günü və Yeni il münasibətilə ərzaq yardımı etmişlər. Bu ailələrin enerji ilə təminatının daha da yaxşılaşdırılması üçün müvafiq tədbirlər görülmüşdür.
Məcburi köçkünlər onlara göstərilən qayğıya və köməyə görə Azərbaycan Prezidenti Heydər Əliyevə öz dərin minnətdarlığını bildirmişlər.
Bu məlumat AZƏRTAC-a nazirliyin mətbuat xidmətindən daxil olmuşdur.
Bölmənin digər xəbərləri
