4 MİLYON DOLLAR QƏNAƏT EDİLMİŞDİR
2000-ci ildə İslam İnkişaf Bankı Azərbaycan Respublikasının İşğaldan Azad Olunmuş Ərazilərinin Bərpası və Yenidən Qurulması Agentliyinə 10 milyon dollar məbləğində faizsiz kredit ayırmışdır. Agentlikdən AZƏRTAC-ın müxbirinə bildirmişlər ki, bu təşkilatın cari ildə keçirdiyi müsabiqədə “Azərsənayetikinti”, “Naxçıvansutikinti”, “Culfatəmirtikinti”, “Şərurtəmirtikinti”, “Azərenerjitikintiquraşdırma”, “Əlibəyli” və s. tikinti firma və şirkətləri iştirak etmişlər. Agentliyin köməyi ilə müsabiqənin şərtləri tamamilə yerinə yetirilmişdir.
Belə ki, Goranboy rayonunda 15 məktəb, Xanlar rayonunda 3 məktəb, Naxçıvanda 7 məktəb tikilmiş, Goranboy rayonunun Aşağı Ağcakənd kəndində su təchizatı və suvarma sistemi yaradılmış, habelə Zurnabad-Xanlar su kəməri çəkilmişdir.
Agentlik bütün bu işləri yüksək səviyyədə və müəyyən olunmuş müddətlərdə yerinə yetirməklə yanaşı, 4 milyon dollar vəsaitə qənaət etmişdir. Həmin vəsait hesabına gələn ilin yanvarında yeni müsabiqə keçirmək nəzərdə tutulur.
Bölmənin digər xəbərləri
