“Barselona” klubu “Lion”un müdafiəçisini transfer edib VİDEO
Bakı, 13 iyul, AZƏRTAC
“Barselona” futbol klubu yeni mövsüm öncəsi heyətini gücləndirib.
AZƏRTAC xəbər verir ki, Kataloniya təmsilçisi “Lion”dan Samuel Umtitini transfer edib. İyirmi iki yaşlı fransalı müdafiəçi ilə beşillik müqavilə imzalayıb. İspaniya klubu bu transfer üçün “Lion”a 25 milyon avro ödəyib. Fransa millisinin üzvünün təzminat qiyməti də açıqlanıb. Onu transfer etmək istəyən klublar 60 milyon avrodan keçməli olacaqlar.
Qeyd edək ki, 2011-2016-cı illərdə “Lion”da çıxış edən Umtiti keçirdiyi 131 oyunda 3 qol vurub.
Bölmənin digər xəbərləri
