“Azərbaycan qorqudşünaslığı” kitabı nəşr olunub
Bakı, 13 yanvar, AZƏRTAC
Folklor İnstitunun Dədə Qorqud şöbəsinin hazırladığı “Azərbaycan qorqudşünaslığı” elmi araşdırmalar toplusu çap olunub.
Bu barədə AZƏRTAC-a institutdan məlumat verilib. Bildirilib ki, Qorqudşünaslıq elminin əsas qaynaqlarını özündə əks etdirən fundamental elmi əsərlər toplusuna XX əsrin birinci yarısında yaşayıb-yaratmış Əmin Abid, Həmid Araslı, Əli Sultanlı, Məmmədhüseyn Təhmasib, Əbdüləzəl Dəmirçizadə, Məhəmməd Əmin Rəsulzadə kimi klassik Azərbaycan tədqiqatçılarının əsərləri ilə bir sırada ötən yüzilliyin ikinci yarısında - yeni dövrdə elmi fəaliyyətə başlayıb eposun alt qatındakı məziyyətlərini üzə çıxaran Tofiq Hacıyev, İsa Həbibbəyli, Kamal Abdulla, Bəkir Nəbiyev, Nizami Cəfərov, Fərhad Zeynalov, Samət Əlizadə, Şamil Cəmşidov, Bəhlul Abdulla, Ramazan Qafarlı kimi araşdırıcıların elmi əsərlərinə yer verilib.
Jurnalın tərtibçisi və “Ön söz”ünün müəllifi filologiya üzrə elmlər doktoru, professor Ramazan Qafarlı, elmi redaktoru akademik Muxtar İmanovdur.
Bölmənin digər xəbərləri
