DÜNYA


Dolu və güclü yağış Tbilisidə fəsadlar törədib

Tbilisi, 12 may, AZƏRTAC

Gürcüstanda yağan dolu və güclü leysan yağışları ciddi problemlər yaradıb.

AZƏRTAC xəbər verir ki, mayın 12-də günün ikinci yarısında paytaxt Tbilisinin Diqomi, Nutsubidze, Mtatsminda yaşayış massivlərinə dolu düşüb. Dolu avtomobillərə və evlərə ciddi ziyan vurub.

Yaranmış vəziyyətlə əlaqədar fövqəladə hallar xidməti fasiləsiz iş rejiminə keçib.

Dolunun ardınca yağan güclü yağış nəticəsində paytaxtın Sanzona və Qldani yaşayış massivlərində evlərin birinci mərtəbəsini, zirzəmiləri, ictimai iaşə obyektlərini su basıb.

Bölgələrdə də acınacaqlı vəziyyət yaranıb. Bəzi bölgələrdə dolu üzüm bağlarını məhv edib, evlər və əkin sahələri su altında qalıb. Çayların daşması nəticəsində yollar dağılıb.

Fövqəladə Hallar Xidmətinə yaranmış problemlərlə əlaqədar onlarla müraciət daxil olub.

Gürcüstanın Milli Ətraf Mühit Agentliyi isə yağıntıların daha da artacağı barədə məlumat yayıb. Məlumatda deyilir ki, mayın 12-dən 14-dək ölkə ərazisində, xüsusən də şərq bölgəsində leysan yağışları, dolu və güclü külək gözlənilir. Bunun nəticəsində yollarda, dağlıq və dağətəyi bölgələrdə torpaq sürüşməsinin artacağı gözlənilir.

Çaylarda suyun səviyyəsinin artması nəticəsində sel sularının ciddi problemlər yaradacağı istisna edilmir.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.