Latviyada yenidən yay vaxtı tətbiq ediləcək
Riqa, 25 mart, AZƏRTAC
Latviyada martın 31-də yay vaxtına keçilməsi barədə qərar qəbul edilib.
AZƏRTAC xəbər verir ki, Latviyanın İqtisadiyyat Nazirliyi yay və qış vaxtına keçilməsi məsələsində qəti qərar qəbul edə bilmir. Çünki Avropa İttifaqı da bu barədə dəqiq nəticəyə gəlməyib. Tikinti sahəsində çalışan insanlar, habelə ölkəyə gələn turistlər Latviyanın birdəfəlik yay vaxtında qalmasını tələb edirlər. Çünki xüsusən payız və qış aylarında hava sürətlə qaralır. Həmçinin aparılan sorğular deməyə əsas verir ki, saatların ildə iki dəfə çəkilməsi insanların iş qabiliyyətinə və sağlamlığına mənfi təsir edir.
Latviya hökuməti ölkədə birdəfəlik yay vaxtının tətbiq olunmasının tərəfdarıdır. Litva və Estoniya da yay vaxtının tətbiq edilməsində maraqlıdır.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
