İQTİSADİYYAT


Nazir: Neftin qiymətinin bahalaşmaması üçün ən yaxşı variant İrana sanksiya tətbiq etməməkdir

Bakı, 3 oktyabr, AZƏRTAC

Neftin qiymətinin artmaması üçün ən yaxşı variant İrana sanksiya tətbiq etməməkdir.

AZƏRTAC xarici KİV-lərə istinadla xəbər verir ki, bu barədə İranın neft naziri Bijən Namidar Zəncənə deyib.

“Neftin qiymətinin artmaması və enerji bazarının gərginlikdən kənarda qalması üçün ən yaxşı variant İrana qarşı sanksiya tətbiq etməməkdir. “Qara qızıl”ın qiymətinin bahalaşması nəticəsində ən böyük zərər alıcı və istehsalçı kimi Avropa və Çinə dəyir. Bu mövzuda İran Neft İxrac Edən Ölkələri Təşkilatı qarşısında məsuliyyət daşımır”, - deyə nazir əlavə edib.

Ekspertlərə görə, İrana tətbiq ediləcək sanksiyaların bazarda kiçilməyə səbəb olacağı ilə bağlı narahatlıqlar, dolların gücünün artması və ABŞ-da xam neft istehsalının çoxalmasına baxmayaraq neftin qiyməti 85 dollar/barrel səviyyəsində dəyişəcək.

Qeyd edək ki, ABŞ noyabrın 5-dən etibarən İranın milli neft-qaz şirkətlərinə beynəlxalq məhdudiyyətlər qoyacaq, neft və qaz satışına sanksiyalar tətbiq edəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.