REGİONLAR


Ötən il Zaqatalada 1207 yeni iş yeri açılıb

Zaqatala, 2 fevral, Mustafa Dadaşov, AZƏRTAC

Azərbaycan Respublikası regionlarının 2014-2018-ci illərdə sosial-iqtisadi inkişafına dair üçüncü Dövlət Proqramında nəzərdə tutulan tədbirlərin icrası nəticəsində 2018-ci ildə Zaqatala rayonunda 1127-si daimi olmaqla, 1207 yeni iş yeri açılıb. Daimi iş yerlərinin 237-si yeni yaradılan, 334-ü fəaliyyəti bərpa edilən müəssisə və təşkilatların, 556-sı isə fiziki şəxslərin payına düşür.

Bu barədə AZƏRTAC-ın bölgə müxbirinə rayon icra hakimiyyəti aparatının sosial-iqtisadi inkişafın təhlili və proqnozlaşdırılması şöbəsindən məlumat verilib.

Qurumdan bildiriblər ki, ümumiyyətlə, üçüncü Dövlət Proqramından irəli gələn vəzifələrin uğurla yerinə yetirilməsi nəticəsində son 5 ildə Zaqatala rayonunda 8456-sı daimi olmaqla, 10088 yeni iş yeri açılıb. Daimi iş yerlərinin 1437-si yeni yaradılan müəssisə və təşkilatların payına düşür.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.