Türkiyə Prezidenti ilə Almaniya Kansleri arasında telefon danışığı olub
İstanbul, 21 avqust, AZƏRTAC
Türkiyə Prezidenti Rəcəb Tayyib Ərdoğan ilə Almaniya Kansleri Angela Merkel arasında telefon danışığı olub.
AZƏRTAC xəbər verir ki, danışıq əsnasında ikitərəfli əlaqələr, Əfqanıstanda baş verən proseslər, miqrasiya və bölgədəki digər məsələlər müzakirə edilib.
Prezident Ərdoğan uyğun şərtlərin yaradıldığı təqdirdə Kabul Hava Limanında təhlükəsizlik və digər fəaliyyətlərini davam etdirəcəklərini ifadə edib.
Türkiyə Prezidenti Əfqanıstanda yaranan yeni hökumətin bütöv xalqı əhatə və təmsil etməsinin, eyni zamanda, Əfqanıstandan qaynaqlanan köç səbəbi ilə yarana biləcək humanitar faciənin qarşısının alınması məqsədilə bu insanlara qonşu ölkələrdən təcili yardım göstərilməsinin vacibliyini vurğulayıb.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
