® “AccessBank” Azərbaycanda qadın sahibkarların maliyyə savadlılığının artırılması tədbirlərini davam etdirir
“AccessBank” Beynəlxalq Özəl Müəssisə Mərkəzi (CIPE) tərəfindən həyata keçirilən “Azərbaycanda qadın səlahiyyətləndirilməsi mərkəzləri” layihəsi və Azərbaycan Respublikası Qaçqınların və məcburi köçkünlərin işləri üzrə Dövlət Komitəsinin “Azərbaycanda məcburi köçkünlərin həyat şəraitinin yaxşılaşdırılması” layihəsi çərçivəsində növbəti təlimləri həyata keçirib.
Bakıda təşkil edilən təlim qadınların maliyyə savadlılığının artırılması mövzusuna həsr edilib.
Təlimlərə cəlb edilən qadın sahibkarlara “Sahibkar kredit götürərkən nəyə fikir verməlidir?”, “Borc almağın müsbət və mənfi tərəfləri” mövzularında “Thomaz International-Azerbaycan” təşkilatının regional meneceri Rauf Ağayev, “Azərbaycan kredit bürosunun fəaliyyəti və xidmətləri” mövzusunda AKB nümayəndəsi İlkin Ağayev, “Birlikdə daha risksiz: Sığortalının bizneslər üçün əhəmiyyəti” mövzusunda “PAŞA Sığorta” şirkətinin nümayəndələri Hikmət Əliyev və Orxan Axundov təlimlər keçdilər.
Azərbaycan Respublikasının Mərkəzi Bankının nümayəndəsi Pərvin Qəhrəmanova sahibkarlara “Maliyyə məlumatlılığı nədir? Mərkəzi Bankın maliyyə məlumatlılığı resursları” mövzusunda təlim keçərək sahibkarların peşəkar inkişafı və doğru maliyyə xidmətlərini seçə bilmələri üçün yaratdığı imkanlarla tanış edib.
Daha sonra “AccessBank”ın əməkdaşı Pərvin Məmmədov “İstehlakçı hüquqlarının müdafiəsi” mövzusunda sahibkarlara fəaliyyət dövründə lazım olan mövzularla bağlı təlim keçərək iştirakçıların suallarını cavablandırıb.
Lənkəran şəhərində keçirilən təlimdə isə klinik psixoloq Könül Qasımova qadın sahibkarlara “Emosional zəka və müştəri ilə münasibət” mövzusunda təlim keçərək kommunikasiyalarda emosional münasibətlərin vacibliyini qeyd edib. Gəncə şəhərində təşkil edilən təlim əsasən “Maliyyə savadlılığının artırılması” mövzusuna həsr edilib, sahibkar qadınlara biznesin və vəsaitlərin idarə edilməsinə dair təlimatlar təqdim edilib.
“AccessBank”ın dəstəyi ilə növbəti təlimlər Gəncə və Şəki şəhərlərində keçiriləcək və “Emosional zəka və müştəri ilə münasibət”, “Maliyyə savadlılığı və maliyyəyə çıxış imkanları”, “SMM üçün fotoçəkiliş”, “Qadın liderliyi və qərarvermə proseslərində qadınların rolunun artırılması” kimi mövzulara həsr ediləcək.
“AccessBank” Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 21-i bölgələrdə olmaqla, 35 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: http://bit.ly/accessbank-filiallar
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin “www.accessbank.az” saytına və ya bankın müxtəlif sosial şəbəkələrdə olan səhifələrinə (feysbuk, instaqram, linkedin) müraciət edə bilərsiniz.
“AccessBank” QSC Azərbaycan Respublikası Mərkəzi Bankı tərəfindən 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
Bölmənin digər xəbərləri
