® “Expressbank”da qanvermə aksiyası keçirilib
“Expressbank” korporativ sosial məsuliyyətinə hər zaman həssas yanaşan maliyyə institutu olaraq ənənəvi qanvermə aksiyasını bu il də həyata keçirib.
Mərkəzi Qan Bankının dəstəyi ilə ərsəyə gələn aksiya zamanı donorların sağlamlıq vəziyyəti peşəkar həkim-hematoloq tərəfindən müayinə olunduqdan sonra, yalnız sağlamlıq göstəriciləri uyğun olan şəxslərdən qan götürülüb. Tədarük olunan qan talassemiya və digər qan xəstəliklərindən əziyyət çəkən xəstələrə çatdırılmaq məqsədilə depolanıb.
8 may Beynəlxalq Talassemiya Günü münasibətilə bankın Baş ofisində keçirilən aksiyaya paytaxt filiallarından da qatılanlar olub. Aksiyada, həmçinin bankın rəhbər heyəti, o cümlədən Müşahidə Şurasının müstəqil üzvü, Audit Komitəsinin sədri Fuad Məmmədov, İdarə Heyətinin sədri Mehman Məmmədov və İdarə Heyətinin üzvü, Baş risk inzibatçısı Rüfət Mürşüdlü də iştirak edib.
Qeyd edək ki, qanvermə aksiyaları “Expressbank”da artıq illərdir davam edir və ənənə halını alıb. Bankdan bildirilib ki, bu tipli aksiyaların təşviqinə irəlidəki illərdə də dəstək göstəriləcək.
“Expressbank” Bakı və regionlarda 16 filialı ilə fəaliyyət göstərir. Bankın məhsul və xidmətləri ilə www.expressbank.az saytından, 132 Məlumat Mərkəzindən və ya sosial şəbəkələrdəki rəsmi səhifələrindən tanış ola bilərsiniz.
Bölmənin digər xəbərləri
