Fariz İsmayılzadə: Əmək bazarı üçün peşəkarların yetişdirilməsi vacib məsələlərdəndir
Bakı, 1 oktyabr, AZƏRTAC
Təhsil sektoru baş verən texnoloji dəyişikliklərdən, cəmiyyətlərdəki tərəqqidən geridə qalır. Beləliklə, biz bu dəyişikliyə və tempə çatmaq üçün mübarizə aparırıq.
AZƏRTAC xəbər verir ki, bu sözləri ADA Universitetinin prorektoru, Milli Məclisin deputatı Fariz İsmayılzadə CAMCA Regional Forumunda deyib.
O bildirib ki, əsas çətinliklərdən birincisi əmək bazarı üçün vacib olan peşəkarları yetişdirdiyimizdən necə əmin olmaq məsələsidir: “Çünki bazar sürətlə dəyişir, bazarın tələbatı, bacarıqlar və kompetensiyalar sürətlə dəyişir. Universitetlərin kifayət qədər çevik olduğuna, tədris proqramlarını düzəltmək, bazarın tələblərinə cavab verən yeni ixtisaslaşmalar təklif etmək üçün adekvat olduğuna necə əmin ola bilərik? Bu, birinci çətinlikdir. Əfsuslar olsun ki, universitetlər bir çox mənada çox klassikdir. Onlar hələ də 4 illik, 5 illik təhsilə diqqət yetirir, tədris proqramlarını və metodologiyasını dəyişməkdə çox qeyri-çevikdir. Bazar isə sürətlə dəyişir və təhsili arxada qoyur. Beləliklə, biz bunu düzəltməliyik. İkincisi, sürətlə dəyişən texnologiyalar və onların tədris prosesinə inteqrasiyasıdır. Xüsusilə də süni intellekt. Bu günlərdə süni intellekt bir çox şeyi köklü şəkildə dəyişir. O, imtahan, qiymətləndirmə və tədris prosesini dəyişir. Bəs biz yeni alətlərdən, o cümlədən böyük verilənlərdən, süni intellektdən və bəzi kibertəhlükəsizlik məsələlərindən təhsil prosesində düzgün şəkildə necə istifadə edə bilərik? Təklif edirəm ki, biz birgə işləməli, bu çətinliklərin öhdəsindən gəlmək üçün daha çox sərhədlərarası əməkdaşlıq etməliyik".
Bölmənin digər xəbərləri
