"Ərzurumspor" 5 ildən sonra Superliqaya qayıdıb
Bakı, 19 aprel, AZƏRTAC
Türkiyə I Liqasından Superliqaya yüksələn ilk komanda bəlli olub.
AZƏRTAC xəbər verir ki, "Ərzurumspor" aşağı liqada mövsümün başa çatmasına 2 tur qalmış həm çempionluğu, həm də elitaya vəsiqəni təmin edib.
Komanda buna səfərdə "Bodrumspor"la 1:1 hesablı heç-heçə etməklə nail olub. Bu nəticədən sonra xallarını 79-a çatdıran çempionatın lideri ən yaxın izləyicisini 6 xal qabaqlayır.
"Serikspor" isə I Liqanı tərk edərək, II Diviziona düşüb.
Qeyd edək ki, "Ərzurumspor" Superliqada sonuncu dəfə 2020/2021-ci illər mövsümündə mübarizə aparıb.
Bölmənin digər xəbərləri
