ABŞ AZƏRBAYCANLILARI VƏ ERMƏNİLƏRİ VAŞİNQTONDAKI SƏFİRLİYİMİZ QARŞISINDAKI AKSİYADA ÜZ-ÜZƏ GƏLMİŞLƏR

01.03.2006 [12:07]
Çap et
A⁺ A^-

Ermənilərin 1988-ci ildə Sumqayıtda törətdikləri fitnəkarlıqdan 18 il keçir. Lakin tarixi saxtalaşdırmağa adət edən ermənilər bu dəfə də “ənənələrinə” sadiq qalmışlar. AZƏRTAC-ın xüsusi müxbiri xəbər verir ki, fevralın 28-də bir qrup erməni mənşəli amerikalı əllərində “Azərbaycan işğalına son qoyulsun”, “Mədəni soyqırıma yol verməyin” kimi gülünc şüarlarla Vaşinqtondakı Azərbaycan səfirliyi qarşısında toplaşmışdılar.

Qarşı tərəfdə onları ABŞ-dakı Azərbaycan diasporunun fəalları gözləyirdilər. Həmvətənlərimiz Xocalı soyqırımını, işğal olunmuş ərazilərimizdə həyata keçirilmiş etnik təmizləməni, BMT-nin münaqişəyə dair qətnamələrini ermənilərə xatırlatmaq üçün əks-aksiya təşkil etmişdilər. Əllərində erməni və rus hərbçilərinin qurbanına çevrilən xocalılıların şəkilləri, “Sülh istəyirsinizsə Azərbaycandan çıxın”, “Qarabağ narkotik maddələrin dövriyyəsi üçün deyil”, “Xocalını unutmayın” şüarları olan soydaşlarımız aksiyanı Azərbaycanın himnini oxumaqla bitirmişlər.

Bir saat davam edən aksiya zamanı Vaşinqton polisi ictimai asayişi mühafizə etmişdir.