ABŞ-da ən köhnə cins şalvar 114 min dollar satıldı
Bakı, 12 dekabr, AZƏRTAC
Şimali Karolina sahillərində 1857-ci ildə batmış paroxoddakı sandıqdan çıxarılmış cins şalvar hərracda 114 min dollar satılıb. Bu barədə “Associated Press” məlumat yayıb.
AZƏRTAC “Interfax” agentliyinə istinadla xəbər verir ki, bu yaxınlarda həyata keçirilmiş ekspedisiya nəticəsində gəminin içində cins fəhlə şalvarı da tapılıb. Çox möhkəm parçadan tikilmiş beş düyməli şalvar mədən fəhləsinə məxsus olub.
Cins şalvar Nevada ştatının Rino şəhərində “Qızıl hərisliyi” dövrü əşyalarının hərracında satışa çıxarılıb. Hərracın nümayəndələri onu dünyada məlum olan ən qədim cins şalvar hesab ediblər.
Bölmənin digər xəbərləri
