ABŞ-da lotereya ilə 1,3 milyard dollar cekpot uduşu qeydə alınıb
Bakı, 8 aprel, AZƏRTAC
Oreqonda satılan bilet ABŞ tarixində səkkizinci ən böyük 1,3 milyard dollarlıq “Powerball” cekpotunu qazanıb.
AZƏRTAC xarici mediaya istinadla xəbər verir ki, “Powerball” lotereyası bazar günü oynanılıb və qalib nömrələr - 22, 27, 44, 52, 69 ağ və qırmızı 9 nömrəli şar olub. Bu tiraj sonuncu “Powerball” qalibinin Yeni il günü cekpotu vurmasından bəri 41-cidir.
Qalib 2 dollarlıq biletdə düzgün altı ikirəqəmli kombinasiyanı tutmağa müvəffəq olub. Belə uyğunluğun başvermə şansı 292,2 milyonda birdir və bu, o deməkdir ki, ən yüksək mükafat dəfələrlə təkrarlanır və cekpot daha da böyüyür.
Lotereya tirajı, ilkin olaraq saat 23:00-a təyin edilib, amma şənbə günü nömrələri elan etməzdən əvvəl tələb olunan prosedurları tamamlamaq üçün bazar gününə təxirə salınıb.
Təxminən 1,3 milyard dollar məbləğində uduş birdəfəlik təxminən 608,9 milyon dollar kimi götürülə bilər. Digər seçim ilkin ödəniş və ardınca 29 illik ödənişdir.
“Powerball” biletləri ABŞ-ın 45 ştatında, Kolumbiya dairəsində, Virgin adalarında və Puerto- Rikoda satılır.
Bölmənin digər xəbərləri
