ABŞ-IN ANKARADAKI SƏFİRİNİN BƏYANATINITÜRK İCTİMAİYYƏTİ NARAZILIQLA QARŞILAMIŞDIR
Türkiyə XİN-in mətbuat katibi Namik Tan bu bəyanatla bağlı demişdir: “Türkiyədəki diplomatik təmsilçilər onların vəzifələrinə uyğun olaraq ölkədəki daxili siyasətə aid prosesləri dəyərləndirməsələr, yanlış anlaşılmaqdan da qurtulmuş olarlar”. O, eyni zamanda, Ross Uilsonun Türkiyənin gələcəyinə aid nikbin fikirlərini təqdir etdiyini də söyləmişdir.
Doğru Yol Partiyasının sədri Məhmət Ağar isə daha sərt bəyanat verərək, Amerika səfirinə bu cür fikirlərini özünə saxlamağı məsləhət görmüşdür.
Namik Tan Türkiyənin xarici siyasətinə dair digər məsələlərə də toxunmuşdur. O demişdir ki, Fransa parlamenti oktyabrın 12-də qondarma “erməni soyqırımı”nı inkar edənlərin cəzalandırılmasını nəzərdə tutan qanunu qəbul edərsə, o zaman Fransa Türkiyəni itirəcəkdir. Namik Tan, habelə, Türkiyənin beynəlxalq sülhməramlı qoşunların tərkibində iştirak etmək üçün Livana 700 nəfərlik hərbi kontingent göndərdiyini də söyləmişdir.
Bölmənin digər xəbərləri
