ABŞ KONQRESİNDƏ AZƏRBAYCAN ÜZRƏ İŞÇİ QRUPU QEYDİYYATA ALINMIŞDIR

27.03.2004 [00:45]
Çap et
A⁺ A^-

AZƏRTAC-ın xüsusi müxbiri xəbər verir ki, martın 24-də ABŞ Konqresində Azərbaycan üzrə işçi qrupu rəsmi olaraq qeydiyyata alınmışdır. Qrupun həmsədrləri Pensilvaniya ştatının təmsilçisi, respublikaçı konqresmen Kurt Ueldon və Texasdan olan demokrat konqresmen Solomon Ortisdir. Xatırladaq ki, hər iki konqresmen ötən ilin avqust ayında Bakıda səfərdə olan ABŞ qanunvericilərindən ibarət nümayəndə heyətinə başçılıq etmişdilər. İşçi qrupunun tərkibi hələ məlum olmasa da, alınan məlumata görə, bura Nümayəndələr Palatasının və Senatın 20-30 nəfər üzvünün qoşulacağı gözlənilir.

Azərbaycan üzrə işçi qrupunun qeydiyyata alınması barədə məlumatı həmsədr Kurt Ueldon respublikamızın müdafiə naziri Səfər Əbiyevlə Konqresdə martın 25-də keçirdiyi görüşdə açıqlamışdır. Konqresmen Ueldonun sözlərinə görə, yaradılan yeni qurum Azərbaycanın Konqresdəki maraqlarının müdafiəsini daha da möhkəmləndirəcək və ABŞ-Azərbaycan əməkdaşlığına yeni təkan verəcəkdir. O, Azərbaycanı ABŞ-ın strateji tərəfdaşı kimi səciyyələndirmiş, ölkəmizə İraqdakı sülhməramlı əməliyyatlarda və antiterrorla bağlı qlobal mübarizədə iştirakına görə təşəkkürünü bildirmişdir.

Qeyd edək ki, bu günədək Konqresdə postsovet məkanına aid millətlərdən yalnız ukraynalılar və ermənilər üzrə ayrıca işçi qrupu mövcud idi.

ABŞ KONQRESİNDƏ AZƏRBAYCAN ÜZRƏ İŞÇİ QRUPU QEYDİYYATA ALINMIŞDIR

MÜƏLLİFLƏ ƏLAQƏ

Bölmənin digər xəbərləri