ABŞ ordusu Qırmızı dənizdə husilərin 4 pilotsuz gəmisini məhv edib
Bakı, 22 iyul, AZƏRTAC
ABŞ ordusu Qırmızı dənizdə Yəmənin şimalında hakim olan “Ənsar Allah” hərəkatının (husilər) dörd pilotsuz gəmisini məhv edib.
AZƏRTAC xəbər verir ki, bu barədə ABŞ Mərkəzi Komandanlığı X sosial şəbəkəsində bildirib.
"Son 24 saat ərzində ABŞ hərbçiləri Qırmızı dənizdə husilərə məxsus 4 pilotsuz gəmini uğurla məhv edib”, - komandanlığın bəyanatında deyilir.
Qeyd olunub ki, Amerika hərbçiləri gəmiləri ABŞ və koalisiya qüvvələri, eləcə də regiondakı ticarət gəmiləri üçün birbaşa təhdid hesab edib.
Bölmənin digər xəbərləri
