ABŞ yeni nüvə hücumu sualtı qayığını istismara verib
Bakı, 5 aprel, AZƏRTAC
ABŞ Hərbi Dəniz Qüvvələri yeni “Virginia Block” IV sinif “USS Iowa” (SSN 797) nüvə hücum sualtı qayığını istifadəyə verib.
AZƏRTAC xarici mediaya istinadla xəbər verir ki, mərasim Konnektikut ştatının Nyu-London şəhərindəki dəniz bazasında baş tutub. Bu sinif sualtı qayıqlar 1600 km mənzilli 12 “Tomahawk” qanadlı raketləri ilə təchiz edilib.
Nüvə sualtı qayığının uzunluğu 115 metr, eni isə 10 metrdir. O, 240 metrdən çox dərinliyə enişə və 25 düyündən çox sürətə çata bilir.
ABŞ Hərbi Dəniz Qüvvələri hazırda müxtəlif modifikasiyalı “Virginia” sinifli 23 hücum sualtı qayığını idarə edir.
Hərbi Dəniz Qüvvələrində, həmçinin Los-Anceles sinifli 26 nüvə hücumu sualtı qayığı, üç “Seawolf” sinifli sualtı qayıq, 154 “Tomahawk” qanadlı raketlər ilə silahlanmış “Ohayo” sinifli dörd sualtı qayıq və hər biri 20 “intercont D5” raketi daşıyan “Ohayo” sinifli 14 ballistik raket sualtı qayığı var.
Bölmənin digər xəbərləri
