Abşeron rayonunda avtomobildən 4050 manat məbləğində pul oğurlanıb
Bakı, 29 iyun, AZƏRTAC
Abşeron və paytaxtın Binəqədi rayonlarında avtomobillərdən oğurluq edən şəxslər tutulublar.
Daxili İşlər Nazirliyinin mətbuat xidmətindən AZƏRTAC-a bildiriblər ki, iyunun 26-da Abşeron rayonu ərazisində “Hyundai” markalı avtomobildən 4050 manat məbləğində pul oğurlamaqda şübhəli bilinən şəxslər - Bakı şəhər sakinləri S.Nuruşov, əvvəllər məhkum olunmuş R.Quliyev və A.Dərvişov rayon polis idarəsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.
Cari il aprelin 11-də Binəqədi rayonu ərazisində “VAZ-2107” markalı avtomobildən 330 manat məbləğində pul və akkumulyator oğurlamaqda şübhəli bilinən Bakı şəhər sakini E.Babayev Binəqədi Rayon Polis İdarəsinin 4-cü polis şöbəsi əməkdaşlarının keçirdikləri əməliyyat-axtarış tədbirləri nəticəsində yaxalanıb.
Hər iki faktla bağlı araşdırma aparılır.
Bölmənin digər xəbərləri
