“ABU” İLK GÖRÜŞÜNÜ QƏLƏBƏ İLƏ BAŞA VURDU

18.02.2006 [20:04]
Çap et
A⁺ A^-

AZƏRTAC xəbər verir ki, fevralın 18-də ABU Arenada qadın həndbol komandaları arasında Challenge Cup (Çağırış kuboku) turnirinin səkkizdəbir final mərhələsi çərçivəsində Azərbaycan çempionu “ABU” Rumıniyanın “Tomis” klubunu qəbul etmişdir.

Gərgin idman mübarizəsi şəraitində keçən oyunun birinci hissəsi “ABU”nun 12:11 hesablı qələbəsi ilə başa çatmışdır.

İkinci hissədə üstünlüyü daha da artıran Rəfiqə Şabanovanın yetirmələri qonaqları 30:25 hesabı ilə məğlub etmişlər. Qeyd edək ki, “ABU”nun üç əsas oyunçusu zədə aldığından bu görüşdə iştirak etmirdi.

Əvvəllcədən əldə olunmuş razılaşmaya əsasən, cavab oyunu da fevralın 19-da Bakıda keçiriləcəkdir.